• A-
  • A
  • A+

среда, 23 август 2017, 

МЗШВ: Исплатата на субвенциите ќе продолжи деновиве

МЗШВ: Исплатата на субвенциите ќе продолжи деновиве

Скопје, 20 март 2017 (МИА) - Исплатата на субвенциите се очекува да продолжи оваа недела, откако денеска новоназначениот директор на Платежната агенција Игор Златков и официјално ќе стапи на функцијата. 

Според Министерството за земјоделство, шумарство и водостопанство (МЗШВ), Антикорупциската комисија веќе даде позитивно мислење за реализација на финансиската поддршка, средствата се обезбедени, преостанува уште Златков да го депонира потписот во Централен регистар.

И производителите потврдија дека добиле ваква информација од МЗШВ поради што, велат, средбата што требаше да се одржи денеска со ресорниот министер Михаил Цветков, е одложена. 

- По завршување на процедурите за депонирање на потписот на новиот директор на Платежната агенција во Централен регистар, очекуваме деновие да почне исплатата на субвенциите, информираат од МЗШВ.

Земјоделците чекаат Златков официјално да стапи на позицијата директор, како што им е соопштено, и до крајот на неделава да почне исплатата на субвенциите. - Во петокот Министерството ни соопшти дека денеска треба да се депонира потписот на новиот директор на Платежната агенција, а тоа значи дека наредните денови ќе почне исплатата на субвенциите, изјави претседателот на Федерацијата на фармери Никола Стаменов.

Исплатата на субвенциите беше стопирана по последните парламентарни избори поради различното толкување на Изборниот законик. За надминување на проблемот, МЗШВ изготви предлог-измени, но на владината седница на која тие се разгледуваа, беше заклучено Антикорупциската комисија да се произнесе околу можноста за реализација на поддршката откако ќе ги согледа сите законски решенија кои го регулираат овој процес. 

Субвенциите за 2016 година треба да се исплатат најдоцна до 30 јуни годинава, а за финансиска поддршка на земјоделството во 2017 година се обезбедени 100 милиони евра. мч/са/10:16

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Рајан Гослинг и Харисон Форд во продолжението на „Блејд Ранер" (видео)

Денис Вилнев, моментно еден од најбараните режисер...

Марк Вoлберг - најплатен глумец во светот

Според годинешната листа најплатени актери во свет...

Почна снимањето на продолжението на „Мама миа“

Хитот од пред една деценија, филмот „Мама Миа" ќе ...

Трка на жирафи и носорози во зоолошка во САД по повод еклипсата

Штурците и другите животни станаа побучни кога зоо...

Двојка од САД си го крсти бебето Eклипс (затемнување)

Брачна двојка од Јужна Каролина, САД, го крсти сво...