• A-
  • A
  • A+

понеделник, 26 јуни 2017, 

Признание од Глобал Фајнанс за Охридска банка

Признание од Глобал Фајнанс за Охридска банка

Скопје, 21 април 2017 (МИА) - Светскиот финансиски магазин Глобал Фајнанс, публикација на Светска Банка од Вашингтон, ја објави листата на добитници на престижната награда „Најдобра банка за 2017 година“ во регионот на Централна и Источна Европа.

Втора година по ред, Охридска банка Сосиете Женерал е единствената банка од Македонија носител на признанието „Најдобра банка во Македонија“, овојпат за 2017 година, која според уредничкиот одбор на магазинот, еминентните аналитичари од областа и извршни директори во индустријата, покажува најдобри резултати при евалуација на објективни и субјективни критериуми за анализа.

- Оваа награда е навистина значајна за Охридска банка Сосиете Женерал. По тројната круна од „Глобал Фајнанс“, „Еуромани“ и „Банкер” во 2016 година, оваа награда е уште еден доказ за континуираниот раст на банката и нејзината позиција како сигурен финансиски партнер на компаниите и населението. Горди сме што сме значаен учесник во целокупната економија во земјата и нејзиниот одржлив развој. Ние сме банка која постојано расте и успешно поставува нови стандарди во банкарскиот систем во Република Македонија, изјави Бранка Павловиќ, претседател на УО на Охридска банка Сосиете Женерал.

Како што стои во соопштението, таа додава дека и оваа награда ја посветуваат на своите клиенти чија бројка достигнала  повеќе од 75.000.

Признанија годинава се доделени на 22 банки во 22 држави во Централна и Источна Европа. Целта на наградите за најдобра банка е препознавање на финансиските институции кои покажуваат натпросечни напори во испорачување на производи и услуги кои ги пресретнуваат уникатните потреби на клиентите, се вели во изјавата на Јосеф Д. Гиарапуто, издавачот и директор на Глобал Фајнанс магазинот.

Глобал Фајнанс е основан 1987 година и денес има огромен тираж и читатели во 192 земји во светот.

Наградата на Охридска банка Сосиете Женерал за најдобра банка од Македонија на пазарите од Централна и Источна Европа ќе и биде доделена на свечена церемонија на 14 октомври 2017 година во рамките на годишното собрание на ММФ и Светска банка во Вашингтон, САД. скс/паг/13:21

###



Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Ексхумација на посмртните останки на шпанскиот сликар Салвадор Дали

Судот во Мадрид нареди да се изврши ексхумација на...

Метеоролог „оддуван“ во живо (видео)

Во Ирска, презентерот на временската прогноза Дере...

Природна ванила се помалку, за еден килограм сладолед 500 евра

Цената на природниот сладолед од ванила во изминат...

НАСА ја демантира Гвинет Палтроу

Актерката Гвинет Палтроу е сопственичка на Интерне...

Сиена Милер бара актерките да бидат повеќе платени од нивните машки колеги

Холивудската актерка Сиена Милер се осврна на родо...