• A-
  • A
  • A+
четврток, 30 март 2017, 

Балканските и Првата светска војна - тема на романот „Битолски триод“

Балканските и Првата светска војна - тема на романот „Битолски триод“

Скопје, 20 март 2017 (МИА) - Издавачката куќа „Силсонс“ од Скопје во едицијата „Современа македонска проза“ го објави романот „Битолски триод“ од писателот Владимир Костов.

- Авторот ја обработува темата на Балканските војни и Првата светска војна, во кои беа регрутирани над 100.000 илјади Македонци, кои се бореа и гинеа за туѓи цели. Посебен акцент става на двегодишните бомбардирања на артирелијата на Сојузничките сили на градот Битола, со употреба и на бојни отрови, при што беше десеткувано населението и беа разурнати многу станбени згради, меѓу кои и ретки монументални градби на познатиот Широк Сокак, соопшти издавачот. 

Во рецензијата за книгата, писателот Раде Силјан наведува дека во  „Битолски триод“ „се е ставено во конкретна и препознатлива епска рамка и како на широко филмско платно е отсликана трагичната судбина и крвава делба на македонскиот народ“.хс/са/09:45

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ