• A-
  • A
  • A+
петок, 20 октомври 2017, 

Делата од „Карпино“ изложени во Кочани

Делата од „Карпино“ изложени во Кочани

Кочани, 21 април 2017 (МИА) - Во Центарот за култура „Бели мугри“ од Кочани денеска е отворена изложба на ликовни дела од ликовната колонија „Карпино 2016“ која минатата година се одржа во Куманово.

На отварањето на изложбата присуствуваа претставници од Мултимедијалниот центар „Карпино“ од Куманово, ликовни творци и љубители на ликовната уметност од Кочани.

- На изложбата во Кочани има 17 дела од вкупно 30-те создадени на колонијата. Нив во повеќе видови техники ги создадоа ликовни уметници од Бугарија, Романија, Србија и Македонија, изјави Зоран Павловски, претстедател на Мултимедијалниот центар „Карпино“ од Куманово.

Раководителот на Ликовниот салон при Центарот од Кочани Александра Димитрова ја истакна соработката со Меѓународната ликовна колонија „Карпино“ и редовната презентација на создадените дела на ликовна изложба во Кочани.

Делата од колонијата „Карпино“ досега биле изложени во Куманово и Виница, а по презентацијата во Кочани ќе бидат изложени и во Кавадарци и Пробиштип. Во Кочани изложбата ќе биде отворена до 5 мај годинава. кг/мд/13:42

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ