• A-
  • A
  • A+
четврток, 18 јануари 2018, 

Грубјешиќ: Со ова темпо Срвија ќе ги затвори поглавјата дури за 12 години

Грубјешиќ: Со ова темпо Срвија ќе ги затвори поглавјата дури за 12 години

Белград, 3 јануари 2018 (МИА) - Најважно е што Србија во 2014 година го започна преговарачкиот процес со ЕУ, но не верувам дека треба да бидеме задоволни со бројот на отворени поглавја. За четири години отворивме само 12, а времено се затворени два поглавја, изјави за весникот „Данас“ новата генерална секретарка на Европското движење во Србија и поранешна српска вицепремиерка за евроинтеграции, Сузана Грубјешиќ.

- Затоа е важно да се забрза овој процес, за да можеме до 2023 година да ги затвориме сите поглавја и да потпишеме договор за пристапување во ЕУ, кој државите членки би го ратификувале за речиси две години. Ова е се претпоставка, ЕУ следниот месец да излезе со Стратегијата за проширување во која би се навело дека 2025 е година на можниот прием во Унијата за две западнобалкански земји, кои најмногу се имааат придвижено во процесот на интеграции, а тоа се Србија и Црна Гора, истакна Грубјешиќ.

Најголеми препреки за тоа да се оствари според неа се дијалогот со Приштина и владеењето на правото.

- Дијалогот со Приштина според одредени сценарија треба да заврши до крајот на мандатот на Могерини, значи до крајот на 2019 година, нагласи таа, додавајќи дека втората препрека се поглавјата 23 и 24 кои се однесуваат на правосудството и на правните темели: правдата, слободата и безбедноста.

Владеењето на правото е носечки столб на европските интеграции, а бројните усвоени закони, стратегии и акционите планови немаат веќе толкаво значење, колку што има деполитизацијата на правосудството, борбата против корупцијата и организираниот криминал.

Според генералната секретарка на Европското движење во Србија, целиот процес на пристапните преговори во споредба со претходната власт трае предолго.

- Во 2011 година станавме земја кандидат, во 2014 ги отворивме преговорите. Сега, заради најавената Стратегија за проширување и рамковната година за прием во ЕУ треба да забрзаме и конечно да го завршиме овој процес, додаде Грубјешиќ. об/гт/16:14

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Папата венча стјуардеса и стјуард во авион

Папата Франциско ги венчаше стјуардесата и стјуард...

Волк побегна од резерват во близина на училиште во британскиот град Рединг

Волк избега од резерват за диви животни, кој е во ...

Харвард работи на „таблета за генијалност"

Научници од Универзитетот Харвард сметаат дека „ск...

Воз што лае пуштен во промет во Јапонија

Во Јапонија е пуштен во промет воз што преку звучн...

Ќе се снима ТВ серија за контроверзната книга за Доналд Трамп

Книгата на новинарот Мајкл Вулф, „Fire and Fury: I...