• A-
  • A
  • A+

петок, 18 август 2017, 

Во Прилеп одбележан празникот Источен петок – Балаклија.

Во Прилеп одбележан празникот Источен петок – Балаклија.

Прилеп, 21 април 2017 (МИА) - Најстарата прилепска населба Варош под Марковите кули и манастирот „Свети Архангел Михаил“ денеска го прославија верскиот празник Источен петок – Балаклија.

Гостите беа кај варошани кои ги отворија портите и го посетија манастирот за да се помолат за здравје на семејството и да налеат од лековитата вода што извира под манастирот.

Изутрината во манастирот „Свети Архангел Михаил“ се служеше света литургија, а гостите цел ден го посетуваат манастирот.

Според етнологот Александар Цветкоски има две причини поради кои токму во Варош и во манастирот „Свети Архангел Михаил“ се слави оваа вековна традиција.

- Во 18 и 19 век Варош бил познато балканско и европско место каде се одржувале надалеку познати панаѓури. Дури некои сознанија водат во 14 и 15 век. Се тргувало со стоки и од Холандија. И на голем петок доаѓале трговците и не можеле да не го посетат манастирот и да се уверат во митовите и легендите дека водата е чудотворна, лековита, особено за очобол. Корените за верувањето на лековитата вода датираат од 4 век од Истанбул, каде се појавил извор на лековита, чудотворна вода. А таква, се верува, е и онаа од манастирот „Свети Архангел Михаил. Голем или Источен петок - Балаклија, првиот по Велигден е ден на источната, петочна лековита вода, објаснува Цветкоски.

Според градоначалникот на Прилеп Марјан Ристески оваа вековна традиција е големо културно наследство за Прилеп.

- Денеска сите варошани пречекуваат гости, а многубројни се и посетителите на манастирот. Празникот е голем и со долга традиција, истакна Ристески. ем/мд/15:46

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Колку спијат успешните луѓе?

Научниците до сега со многу истражување се обидува...

Најави од Нетфликс: Се снима нов ситком со Мајкл Даглас

Нетфликс најави свој голем проект – ситком серијат...

Римини: Том Круз е дијаболик

Глумицата и поранешен саентолог Леа Римини повторн...

Старнавски повторно ќе нурка во пештерата Врело на Матка

Светски познатиот спелеолошки нуркач Кшиштоф Старн...

Македонската група „Перија“ ја воодушеви публиката во Тулон (видео)

Групата „Перија“, која изведува традиционални маке...