• A-
  • A
  • A+

сабота, 23 септември 2017, 

Матис: Европа е опколена од „виножито на нестабилоност“

Матис: Европа е опколена од „виножито на нестабилоност“

Минхен, 17 февруари 2017 (МИА) - САД ќе бидат покрај своите сојузиници од НАТО во давањето заеднички одговор на заканите во услови кога Европа е опколена од „виножито на настаблиноста“, изјави денеска американскиот секретар за одбрана Џејмс Матис во обраќањето на Минхенската безбедносна конференција.   

- Сите ние гледаме како нашата заедница на држави се соочува со закани на неколку фронта како последици на појавата на „виножито на нестабилност“ околу периферијата на НАТО и надвор од него, изјави Матис, нагласувајќи дека „безбедноста на САД е перманентно поврзана со безбедноста на Европа“.  

Матис истакна дека НАТО повеќе не може да ја негира реалноста оти постои опасност од меѓународниот тероризам и од другите геополитички ризици.

- НАТО треба да се обедини пред овие растечки закани по нашите демократски земји, потенцира Матис во обраќањето пред учесниците на Конференцијата.

Шефот на Пентагон нагласи дека новиот американски претседател Доналд Трамп го поддржува НАТО, но ја согледува и потребата од негови промени.

- Сосема е легитимно барањето сите кои ги користат услугите на најдобарта алијанса во светот, да го сносат и својот соодветен дел од неопходните трошоци за заштита на нашите слободи, порача Матис.

Како што јави ДПА, ваквите ставови на Матис доаѓаат во време на стравувања на сојузниците на САД во Европа дека Трамп би можел да се откаже од традиоционалната лидерска улога на Вашингтон во НАТО во време на се поагрсивна политика на Русија и во услови на војни во реоните источно и јужно од Медитеранот и зачестените закани од терористички напади од страна на џихадистите. сп/19:11

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Пат околу светот со велосипед за 78 дена

Шкотскиот велосипедист Марк Бомонт го собори досег...

Хрват заштити збор и сега си ги бара сопственичките права

Музичарот Хрвоје Турчин од Загреб, во јавноста поз...

Ураганот Харви зад себе остави гробишта на автомобили

Три седмици откако ураганот Харви го погоди Тексас...

Швајцарците продаваат воздух од Алпите

Швајцарски стартап флашираше воздух од Швајцарија,...

Почина Лилијан Бетанкур

Наследничката на француската козметичка групација ...