• A-
  • A
  • A+
сабота, 25 ноември 2017, 

Грција ја зафати силно невреме

Грција ја зафати силно невреме

Солун, 17 јули 2017 (МИА) - Дожд и силен ветар го зафатија северниот дел од Грција и предизвикаа големи проблеми за туристите, а одделни места се погодени и од поплави.

Грчки медиуми објавија инсерти од поројни дождови, што ги зафатија меѓу останатите и Лепотокарија, Парајлија, Неа Врасна, Парга, Ханиоти, Пефкохори, Трикали и Торони.

Температурата во одделни места била околу 15 степени Целзиусови.

Во дел од градовите од одделни хотели се евакуирани туристи, меѓу кои и од хотел на Ситонија, каде денеска се евакуирани поради река, која се излеала од коритото и го поплавила целото подрачје.

Грчките медиуми јавуваат дека на патиштата во тој дел од државата има одрони и сообраќајот се одвива отежнато.

На социјалните мрежи објавени се фотографии од местото Торони, на кои се гледа како дел од градот е поплавен. 

Во моментов во Солун е 18 степени, додека во Лариса е 17. 

УХМР-поплави Грција

Грчката агенција АНА-МПА објави дека облачно време и северен ветар се очекува и утре кога се можни и нови поројни дождови. ац/зш/17:58

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.