• A-
  • A
  • A+
вторник, 12 декември 2017, 

ЛИ 2017/Трајановски: Еден од приоритетите на ВМРО-ДПМНЕ унапредување на статусот на младите во Скопје

ЛИ 2017/Трајановски: Еден од приоритетите на ВМРО-ДПМНЕ унапредување на статусот на младите во Скопје

Скопје, 7 октомври 2017 (МИА) - Зголемувањето на учеството во процесот на носењето на одлуките во локалната самоуправа и унапредување на статусот на младите е еден приоритетите во новата програма на ВМРО-ДПМНЕ и во таа насока предвидени се голем број проекти во оваа област, изјави на денешната прес-конференција кандидатот за градоначалник на Град Скопје на ВМРО-ДПМНЕ и коалицијата „За подобра Македонија“, Коце Трајановски.

- Младите се движечка сила во секое општество и во новата програма предвидовме голем број проекти на младите во Скопје, во сите области кои директно ги засегаат. Најважен проект е отворањето на градска канцеларија за млади, која ќе има цел да се занимава со локални младински политики, ќе дава сервис и поддршка на младите на Скопје и ќе претставува чадор организација на општинските канцеларии за млади во скопските општини, нагласи тој.

Во насока на подобрување на унапредување на статусот на младите најави изработка на нова стратегија за млади на Град Скопје за периодот 2019-2023 година.

- Дополнително ќе организираме и отворени денови за младите каде еднаш месечно ќе имаат можност да се сретнат со мене и службите на Скопје, да дебатираат за одредени прашања, да ни ги кажат нивните предлози и идеи за подобро Скопје, нагласи кандидатот за градоначалник Трајановски.

Тој се осврна и на проектите кои се од другите области, а се од особено значаен интерес за младите.

- Градот Скопје ќе продолжи да инвестира во спортот и останатите рекреативни активности, како област која е од посебен интерес за младите. Како најважни проекти од областа на спортот за младите, можам да ги издвојам формирањето на средношколски извиднички одреди, одржувањето на голем број на спортски манифестации и турнири, поддржување на средношколските спортски лиги и многу други проекти. Од областа на културата и забавата, во Програмата се предвидени голем број проекти, како што се продолжување на проектот Супер Скопје преку одржување концерти на повеќе локации во летниот период, организирање на фестивал во Градскиот парк - Парк фест, организирање фестивал на урбана уметност и цртање на графити Графити фест и многу други, рече Трајановски. ац/15:34

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Затвореник им се предаде на властите по 20 години минати во бегство

Затвореникот Гасан Салех (66), кој пред 20 години ...

Писториус повреден во затворска тепачка

Некогашниот параолимпиец Оскар Писториус е повреде...

Почина американски војник кој пијан дезертираше во Северна Кореја

Американски војник, кој пред повеќе од половина ве...

Егзибиционист од Кина ја сними својата смрт

Кинезот Ву Јонгнинг (26), кој важеше за Јутуб ѕвез...

Објавени номинациите за Златен глобус

Во Лос Анџелес синоќа беа објавени номинациите за ...