• A-
  • A
  • A+
недела, 22 октомври 2017, 

Јункер не сака независност на Каталонија

Јункер не сака независност на Каталонија

Луксембург, 13 октомври 2017 (МИА) - Претседателот на Европската комисија Жан-Клод Јункер изјави дека не сака Каталонија да стане независна, бидејќи тоа би поттикнало и други региони да го направат истото, а управувањето со ЕУ ќе стане премногу комплицирано.

- Ако и дозволиме на Каталонија - а тоа не е наша работа - да се одвои, и други ќе го сторат истото. Не го сакам тоа, рече Јункер во говор на универзитетот во Луксембург.

Според него, тој е „силно вознемирен“ од сепаратистичките тенденции во Европа и го повика шпанскиот премиер Маријано Рахој да направи се со цел ситуацијата да се врати под контрола.

Во врска со каталонските апели за медијаторска улога на ЕУ, тој посочи дека Комисијата не би можела да посредува, ако само една од страните го сака тоа.

ЕУ веќе изрази доверба во Рахој дека ќе го реши прашањето, и ја опиша ситуацијата околу Каталонија како внатрешна работа на  Шпанија. јт/сп/13:13

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.