• A-
  • A
  • A+
понеделник, 20 ноември 2017, 

Во Зимбабве не е извршен државен удар, тврдат воени лица

Во Зимбабве не е извршен државен удар, тврдат воени лица

Хараре, 15 ноември 2017 (МИА) - Во Зимбабве не е извршен државен удар, тврдат воени лица, кои се обратија на националната телевизија.

Тие потврдија дека ја преземале власта, но истакнаа дека не станува збор за државен удар, туку нивна цел се „криминалците“ околу претседателот Роберт Мугабе.

Зимбабве армиски сили

Според нив, Мугабе и неговото семејство се добро и се безбедни. 

Војниците го уапсија министерот за финансии Игнатиус Чомбо, откако ја зазедоа власта во обид да се справат „со криминалците околу претседателот Роберт Мугабе кои им причинуваат социјално и економско страдање на луѓето“, соопшти владин извор.

Чомбо е влијателен член на такаанаречената фракција „Г40“ на владејачката партија Африкански национален сојуз на Зимбабве - Патриотски фронт. Фракцијата ја предводи Грејс, сопругата на Мугабе, , која планира да го наследи 93-годишниот претседател на функцијата шеф на државата.

Игнатиус Чомбо

Претходно беше соопштено дека војници рано изутринава го зазедоа седиштето на зимбабвиската државна телевизија Зе Би Си.

Според западните медиуми, неколку силни експлозии одекнале во центарот на главниот град Хараре, по што војници биле распоредени на улиците низ градот и ја заземале државната телевизија. Кон неколкумина медиумски работници била употребена сила, но им било соопштено да не се вознемируваат, бидејќи војниците се таму за да ја чуваат телевизијата.

Случувањата ги зајакнуваат шпекулациите за државен удар врз претседателот Мугабе.

Роберт Мугабе

Засега не е познато која е причината за експлозиите.

Американската амбасада во Зимбабве соопшти дека денеска ќе биде затворена, а на својот персонал и своите државјани во земјата им порача да останат во домовите поради политичката нестабилност. паг/гт/08:00

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

„Форбс“: Бијонсе е најплатената жена во светот на музиката

Списанието „Форбс“ ја прогласи Бијонсе за најплате...

Германски научник: Не треба да се плашиме од роботите

Футуристот Матијас Хоркс, кој е основач на германс...

Необична појава на небото над Лапонија (видео)

Атле Сталесен, новинар од финскиот весник „Баренц ...

Руска пензионерка освои седум милиони евра на лотарија (видео)

Пензионерка од руската Вороњешка Област, 600 килом...

Озлогласениот убиец Чарлс Менсон почина на 83-годишна возраст

Еден од најозлогласените криминалци на светот, Чар...