• A-
  • A
  • A+
вторник, 20 февруари 2018, 

Социјалдемократи гласаа со големо мнозинство да започнат преговори со Ангела Меркел

Социјалдемократи гласаа со големо мнозинство да започнат преговори со Ангела Меркел

Берлин, 7 декември 2017 (МИА) - Германските социјалдемократи гласаа со големо мнозинство за да започнат преговори со конзервативците на Ангела Меркел за нова голема коалиција.

Раководството на Социјалдемократска партија на Германија (СПД) пред три дена донесе едногласна одлука да почне преговори со конзервативците на канцеларката Ангела Меркел заради формирање нова влада.

Лидерите на СПД ги наведоа клучните политички барања во документ.

Барањата вклучуваат хармонизација на корпоративниот данок на европско ниво, поголеми даноци за луѓето со повисоки примања, зголемување на инвестициите во образованието, брз Интернет, патишта и социјални станови.

Членовите на СПД денеска на партискиот конгрес ја потврдија одлуката на раководството на партијата да почнат преговори со Меркел за нова влада.  ир/зш/ 19:30

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.