• A-
  • A
  • A+
недела, 21 јануари 2018, 

Средба на Заев со амбасадорите од Дипломатскиот клуб

Средба на Заев со амбасадорите од Дипломатскиот клуб

Скопје, 3 јануари 2018 (МИА) - Премиерот Зоран Заев денеска оствари средба со делегација на Дипломатскиот клуб, на која ги информирал дипломатите за актуелни прашања во однос на надворешната политика на земјата, насочени кон остварување на стратешките интереси во однос на Европската унија, членството во НАТО, соседската политика, како и во однос на релациите со САД и другите земји од глобалната политичка сцена.

Посебно внимание на средбата, како што информираат од Кабинетот на Заев, било посветено на можностите за новиот позитивен развој во унапредувањето на европските и евро-атлантските интеграции на земјата, со посебен акцент на односите со Грција и нејзиниот проблем со нашето уставно име.

Претставниците на Дипломатскиот Клуб се заблагодариле за можноста да бидат информирани непосредно за активностите на владата во однос на ова прашање, како и за укажаната прилика да ги изнесат своите погледи, со оглед на фактот што искусните дипломати од ова неформално тело беа игнорирани од претходниот владин состав.

Премиерот Заев, се вели во соопштението, нагласил дека во период кога Република Македонија треба да донесе важни одлуки за овие наши стратешки интереси, секоја добра идеја и искуство што можат да помогнат се добредојдени. аа/нд/16:49

###



 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Фејсбук повикува на борба против лажните вести

Социјалната мрежа Фејсбук ги повика своите корисни...

Во Лондон одложен лет поради пијан пилот

Авион на „Бритиш ервејз“ со два часа задоцнување п...

Том Пети починал од случајно предозирање со аналгетици

Познатиот американски музичар Том Пети починал од ...

Ким Кардашиан ги разбесни фановите со новата фотографија

Најпознатата старлета во светот Ким Кардашиан обја...

И Путин скокаше по крстот

Рускиот претседател Владмир Путин (65) денеска ско...