• A-
  • A
  • A+
понеделник, 11 декември 2017, 

Инцидент во Лондон, евакуирана метро станица

Инцидент во Лондон, евакуирана метро станица

Лондон, 24 ноември 2017 (МИА) - Британската полиција соопшти дека се регистрирани истрели од огнено оружје на Оксфорд стрит во центарот на Лондон. Засега нема информации за жртви.

Според локалните медиуми, полицијата во Лондон одговорила на инцидент „што е поврзан со тероризам“. Полицијата информираше дека засега нема осомничени лица, ниту се најдени докази дека имало истрели од огнено оружје.

„Полицијата одговори на инцидент кој се смета за поврзан со тероризам. Вооружени и невооружени полицајци се на местото на настанот и се справуваат со ситуацијата заедно со колгите од Британската сообраќајна полиција“, наведува Скотланд јард.

Една од најфреквентните метро станици во Лондон е евакуирана, откако беше пријавен инцидент со огнено оружје. На местото на настанот се присутни вооружени полицајци, кои ја пребаруваат метро станицата.

На местото на настанот се наоѓаат и возила на брза помош и противпожарни возила. На метро станицата каде се случил инцидентот не запираат возовите. Полицијата соопшти дека е затворена и улицата „Бонд“.

Очевидци тврдат дека луѓето панично бегале од местото на настанот, а полицијата побарала тие да влезат во блиските кафулиња и продавници и да останат таму.

Корисник на Твитер напиша дека луѓето бегаат од станицата „Оксфорд Сркс (Oxford circus)  и извикувале „бомба“.

Друга корисничка на Твитер напиша дека е затворена во соблекувална во продавница на „Зара“ додека „ситуацијата не биде ставена под контрола“. Таа напиша дека луѓе панично трчаат и влегуваат во продавницата.

Лондонската метро станица е „срцето“ на шопинг центарот на Лондон и е секогаш е полна со луѓе, посебно денеска, на „Црн петок“. ссм/зш/19:01

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Суданки казнети со 40 камшици оти носеле панталони

Дваесет и четири Суданки се соочуваат со казна од ...

Уругвај: Скара за во „Гинис“

Уругвај го собори Гинисовиот рекорд во печење скар...

Севернокорејскиот лидер го контролира и времето

Севернокорејскиот лидер Ким Џонг-ун се искачи на н...

Италијанец го премина Тибар одејќи по јаже

Италијанскиот еквилибрист Андреа Лорени, одејќи по...