• A-
  • A
  • A+

сабота, 29 април 2017, 

Детска филмска програма „Креираме заедно“

Детска филмска програма „Креираме заедно“

Скопје, 21 април 2017 (МИА) - Во рамки на „Скопје филм фестивал“ вечерва во 19:30 часот во „Кинотеката на Македонија“ ќе започне новата инклузивна Детската филмска програма „Креираме заедно“. 

Фестивалот во партнерство со Здружението за поддршка на деца и млади со различности „Сината птица“ од Скопје, годинава, преку програмата „Креираме заедно“, по прв пат во конципирањето на фестивалската програма ги вклучува и учениците со и без попреченост од осум инклузивни училишта од Скопје, Тетово и Струмица.

Проектот се имплементира со поддршка од Европската Унија, како дел од програмата „Заштита на децата од насилство и унапредување на социјалната инклузија на децата со попреченост во Западен Балкан и Турција“, а е кофинансиран и спроведен од страна на УНИЦЕФ.

Вечер во „Кинотеката на Македонија“ ќе бидат прикажани завршните продукти од работилниците за фотографија, видео запис и плакат за детската програма. Во фоајето на „Кинотеката ќе бидат изложени фотографиите и цртежите што ги изработија учениците, а по свеченото отворање, ќе бидат прикажани нивните видео записи и дел од филмската програма.

Проектот „Креираме задено“ се имплементираше во инклузивни училишта во Скопје, Тетово и Струмица каде беа одржани работилници за фотографија, видео запис и работилница за плакат, како и обуки за детски права. Во нив учествуваа вкупно 86 ученици на возраст од 9 до 14 години кои во духот на самозастапување, преку визуелни алатки, говореа за себе и својот свет.

Работилниците ги водеа уметниците: Ване Костуранов (плакат), Наташа Гелевска (фотографија) и Јане Алтипармаков (видеозапис).

Детската филмска програма на „Скопје филм фестивал“, ќе понуди осум куси детски филмови кои уриваат редица табуа и стереотипи за луѓето со попреченост и отвараат теми за размислување.

Филмовите се синхронизирани на македонски јазик и се со адаптиран превод за лицата со оштетен слух.

По филмската програма ќе следи дебата на тема „Креативноста- прозорец кон светот на различностите“.

Програмата „Креираме заедно“ ќе продолжи и утревечер во Кинотеката. Влезот за двете вечери е слободен. вг/скс/07:49

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Зошто речиси сите ликови од цртаните филмови се со жолта боја?

Сунѓер Боб, Симпсонови, птичката Твити и уште мног...

Дневник на Џон Кенеди продаден за „астрономска“ сума

Дневник на Џон Фицџералд Кенеди, напишан во 1945, ...

Руски обвинител бара 3,5 години затвор за блогер што ловел покемони в црква

На судски процес во рускиот град Екатеринбург обви...

Фотографија којашто расплака милиони луѓе

На интернет страницата „Love What Matters" (сакај ...

Скица на омот проценета на 60.000 долари

Скица за омотот на албумот „Sgt. Pepper's Lonely H...