• A-
  • A
  • A+
четврток, 14 декември 2017, 

Чавушоглу: Анкара сака нормализација на односите со Германија

Чавушоглу: Анкара сака нормализација на односите со Германија

Берлин, 7 октомври 2017 (МИА) - Владата на Турција сака нормализација на влошените односи со Германија, изјави турскиот министер за надворешни работи Мевљут Чавушоглу во интервју за магазинот „Шпигел“.

- Нема основа за проблеми меѓу Германија и Турција. Ако вие направите еден чекор кон нас, ние ќе направиме два кон вас, изјави Чавушоглу за германскиот весник.

Тој нагласи и дека Анкара е подготвена за соработка со лидерот на германските Зелени, Џем Оздемир, кој доколу неговата партија влезе во новата Влада на Германија, најверојатно ќе добие министерска позиција, при што се споменува дури и местото шеф на дипломатијата.

Оздемир е со турско потекло и важи за еден од најжестоките критичари на претседателот на Турција, Реџеп Тајип Ердоган.

Но, и покрај повикот за нормализација на односите со Германија, Чавушоглу во интервјуто застана во одбрана на острите изјави на Ердоган, со кои тој ги нарече актуелните германски лидери нацисти. 

Минатата недела и турскиот премиер Бинали Јилдирим повика на отворање „ново поглавје“ во односите меѓу Турција и Германија.

Односите меѓу Анкара и Берлин се влошија последнава година по обвинувањата на германските власти дека Ердоган врши политички чистки во земјата и забраната за учество на турски министри на митинзи во Германија за поддршка на референдумот за измена на Уставот на Турција. На ваквите постапки на Берлин, турските власти одговорија со закани и навреди кон германските лидери.

Во Германија живеат околу три милиони лица со турско потекло и двете земји изминативе децении имаа традиционално блиски и пријателски односи. сп/12:00

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Ноќва на небото ќе биде видлив меторски дожд

Метеорскиот дожд Геминида ноќва ќе биде видлив во ...

Бездомник нашол 300.000 евра на аеродромот Шарл де Гол во Париз

Полицијата во францускиот главен град Париз трага ...

Принцовите Вилијам и Хари на премиерата на „Војна на ѕвездите" во Лондон

Британските принцови Вилијам и Хари, на изненадува...

Натпревар во „неправење ништо“ во Тајван

Студент од Хонг Конг по име Чан Кај-хо е победник ...

Порше започна со производство на мед

Компанијата Порше е позната по тоа што прави квали...