• A-
  • A
  • A+
E hënë, 22 Tetor 2017, 

Iniesta mbetet në Barcelonë deri në fund të karrierës

Iniesta mbetet në Barcelonë deri në fund të karrierës

Barcelonë, 6 tetor 2017 (MIA) - Kapiteni i Barcelonës Andres Iniesta nuk do t’i bashkohet Juventusit gjatë verës, pasi mesfushori ka rinovuar kontratën e tij me Barcelonën, njofton Telegrafi.

Spanjolli do të bëhej agjent i lirë gjatë verës, me spekulimet se Bianconerët kanë bërë oferta tjera speciale për të.

Megjithatë, Blaugrant kanë konfirmuar se Iniesta ka nënshkruar kontratë të re me Barcelonën, që e mban 33 vjeçarin në Kemp Nou deri ne fund të karrierës së tij.

"Andres Iniesta ka nënshkruar kontratë të përjetshme me Barcelonën të premtën, në një marrëveshje që e mbanë atë në Kemp Nou deri në fund të karrierës së tij. Nënshkrimi do të ndodhë në mesditën e sotme, ku Bartomeu dhe Iniesta do të paraqiten para gazetarëve", thuhet në një komunikatë të Barcelonës.

Andres Iniesta ka fituar gjithçka me Barcelonën. Ai mban titullin si mjeshtri i madh i mesfushës katalanse, ku bashkë me Xavin ishin tandemi më spektakolar i futbollit evropian në shekullin 21.

Don Andres ndryshe dallohet për aftësitë e tij të mëdha teknike dhe pasimet e jashtëzakonshme, teksa qetësia e kontrolli i tij i kanë ndihmuar Barcës në shumë raste.ff/shk/13:56

###

Të gjitha të drejtaj janë të mbrojtura.Ky material nuk mund të deponohet, botohet, transmetohet, korjohet dhe sërish të distribuohet në çfarëdolloj forme, pa leje me shkrim nga Ajencia Informative e Maqedonisë.