• A-
  • A
  • A+
четврток, 20 септември 2018, 

Обичаи и верувања

16 јуни 2018 (МИА)

Од чудата на свети Еразмо

Оживување на починато дете 

Свети Еразмо направи разни чуда со силата на Христос кој делуваше во него. Во тие чуда на слепи даваше вид, разболените од разни болести ги лекуваше. Имаше и некој благородник и првенец на овој град (Лукридон), по име Анастас, чиј син лежел мртов, а неговото тело го носеа да го закопаат. За ова му беше кажано на Свети Еразмо за да го воскресне и да им го предаде на родителите. Доаѓајќи до неговиот гроб, блажениот рече: „Анастасе, ако ти веруваш во Господа Исуса Христа, родениот од Светиот Дух и девицата Марија, ќе ти го воскреснам синот.“ Настана голема мешаница во народот кој присуствуваше, вчудовидувајќи се на очекуваното. Тогаш Анастас рече: „И ти можеш да го воскреснеш син ми?“ Светиот Еразмо рече: „Не јас туку мојот Господ Исус Христос, кому јас сум му роб!“ Анастас рече: „Ако ми го оживееш син ми, ќе поверувам и јас и мојата куќа и сиот овој народ.“ Кон ова Светиот Еразмо рече: „Симнете го мртовецот од ковчегот!“ Потоа учтиво им нареди на неговата мајка и на татко му да го придржат, и клекнувајќи над телото викна со силен глас и рече: „Детенце, воскресни!“ Детето воскресна и викна гласно: „Голем е Богот на христијаните!“ И свртувајќи се кон татко му рече: „Татко, досега грешевме, Боговите што ги почитувавме не се ништо, ги видов во адот како немаат мир од маките. Богот на овој Свети Еразмо е голем.“ Така поверува Анастас и целата негова куќа и во тој час од присутниот народ се покрстија околу 40 милјади луѓе.
Од Првото житие на св. Еразмо.

Од книгата „Чудата на Свети Еразмо“, од д-р Стојан Ристески, Струга 2015. (Подготви Марко Китевски)

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...