• A-
  • A
  • A+
четврток, 19 април 2018, 

Конститутивна седница на Локалниот економско-социјален совет на Општина Кичево

Конститутивна седница на Локалниот економско-социјален совет на Општина Кичево

Кичево, 12 јануари 2017 (МИА) - Локалниот економско-социјален совет (ЛЕСС) на Општина Кичево синоќа одржа конститутивна седница. Во него членуваат преставници од Општината, Конфедерацијата на слободни синдикати, Сојузот на синдикати на Македонија и од Организацијата  на работодавачи на Македонија.

За претседател на ЛЕСС беше избран Рамиз Реџепи, претставник од Општина Кичево, за негов заменик Снежана Миноска од ОРМ и за секретар Дејан Илиоски од Одделението за локален економски развој на Општина Кичево. На седницата беа верифицирани членовите и беше разгледан и усвоен предлог-деловникот за работа на ЛЕСС.

Претседателот на ЛЕСС Рамиз Реџепи рече дека максимално ќе се трудат да ги извршуваат своите активности, транспаретно ќе работат и ќе дадат максимален придонес за подобар економско-социјален дијалог во Кичево.

Како што информираше Реџепи, Советот ќе има задача да ги следи состојбите, да разгледува прашања, завзема став, покренува иницијативи и препораки, како и да предлага решенија кои се однесуваат на подобрувањето на економско-социјалната положба на работниците и работодавачите во општината и да дава свои мислења и предлози за креирање на локалната економска политика.

- Со започнување на работата на овој Совет, Општината и сите институции кои се засегнати од прашањата за одржлив економски развој, заштита и унапредување на работничките права како и создавање подобра локална економска клима за унапредување на бизнисите, ќе имаат посветен сојузник и партнер во Локалниот економско-социјален совет, истакна секретарот Дејан Илиоски.

Покрај претставници од потписниците на Спогодбата за основање на ЛЕСС во Општина Кичево, на седницата присуствуваа и претставници од Агенцијата за вработување од Кичево, од Регионалната комора и од проектот „Унапредување на социјалниот дијалог“ како дел од Меѓународната организација на трудот. Во склоп на тој проект се реализира и формирањето на шест локални економско-социјални совети меѓу кои и кичевскиот. рз/хс/11:23

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Поранешни осуденици ги заменија фантомките со пекарски капчиња

Група поранешни осуденици од српскиот град Крагује...

Претседателот на Уганда сака да го забрани оралниот секс

Претседателот на Уганда, Јовери Мусевени изјави де...

Ресторан кој и оние без пари не ги остава гладни

Доколку сте гладни, а немате пари, тука секогаш мо...

Прва кино проекција во Саудиска Арабија по 35 години

Во Саудиска Арабија, првпат по 35 години, граѓанит...

Пронајдена подморницата со која, наводно, Хитлер побегнал во Јужна Америка (видео)

Германската подморница со која, според теоретичари...