• A-
  • A
  • A+
вторник, 22 мај 2018, 

Менаџментот на прилепски „Еурокомпозит“ подготвен за разговори со синдикатот

Менаџментот на прилепски „Еурокомпозит“ подготвен за разговори со синдикатот

Прилеп, 9 февруари 2018 (МИА) - Потребно е итно решавање на проблемите на вработените во „Еурокомпозит“ со неисплатените плати и придонеси и од комуникацијата со претставници од Владата сериозно се работи на изнаоѓање решение. Најатрактивно, за што Владата е заинтересирана, е изнаоѓање странски инвеститор, вели Александар Кузески, директор на прилепската наменска фабрика и единствен загубар „Еурокомпозит“.

Кузески е подготвен да разговара со синдикатот и се надева дека ќе дојде до договор, потврдувајќи дека ситуацијата во фабриката не е поволна и засега може да се исплаќаат аванси на плата.

- Иако звучи како клише, најдобро решение е да се продолжи со работата и вработените колку-толку да земаат плата. Но, тоа е одлука на синдикатот. Се надевам дека разговорите кои ќе ги водиме ќе доведат до договор до изнаоѓањето трајно решение за компанијата. Многу е тешко да се изнајде мотивација. Најатрактивно решение е да се најде странски партнер за што повеќе е заинтересирана и Владата, рече Кузески.

кузески еурокомпозит

 

Според него, има повеќе странски компании кои се заинтересирани за компанијата.

- Факт е дека во овие услови во кои работи компанијата и со овој обем на работа не може да се обезбедува целосно бруто плата за сите вработени. Може да се плаќаат минималните трошоци, но секако, итно е решавањето на проблемот со вработените. Од комуникацијата со претставници на Владата сериозно се работи на изнаоѓање решение. Без разлика на проблемите, компанијата е доста атрактивна за странски инвеститори и со мало вложување во модернизацијата, компанијата може солидно да работи, вели Кузески.

Тој објаснува дека во моментов има договори за работа со МВР и со странски партнери.

- Но, обемот на работа не е доволен и може минимално да се исплаќаат аванси. За пет месеци се исплатени одредени аванси во линеарен износ, на барање на синдикатот за социјален мир колку-толку да се работи. Повторно ќе настапиме со преговори со синдикатот. Најдобро е да продолжиме со работа, да се плаќаат аванси и да се одржи имиџот на компанијата пред заинтересираните странски инвеститори, вели директорот на „Еурокомпозит“, Александар Кузески. ем/вг/16:33

 

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Барак и Мишел Обама ќе бидат продуценти на „Нетфликс“

Поранешниот претседател на САД, Барак Обама, и нег...

На „Ибеј“ се продаваат подароци од кралската свадба

Десет торбички со подароци кои се делеле на венчав...

Вечниот ерген Хју Грант се жени на 57 години

Актерот Хју Грант, кого го сметаа за еден од вечни...

Џенет Џексон ја поздрави кампањата #MeToo

На говорот по повод добивањето на Наградата за муз...

Британија не му издава виза на Роман Абрамович

Сопственикот на англискиот фудбалски клуб Челзи, р...