Новогодишен концерт на Македонската опера и балет

Новогодишен концерт на Македонската опера и балет

Скопје, 1 јануари 2017 (МИА) - Македонската опера и балет вечер од 20 часот ќе одржи новогодишен концерт насловен „Руска бајка“ на кој ќе бидат изведени дела од познатите руски композитори Прокофјев, Чајковски, Шостакович, Рахмањинов, Фомин, Герман, Пендерецки, Ларионов и Римски-Корсаков.

Ќе учествуваат и балетскиот ансамбл и оркестарот на Македонската опера и балет, кој ќе го води диригентот Иван Еминовиќ. Режисер на концертот е Трајко Јордановски, а кореограф Саша Евтимова.

Гостинка на концертот е украинската сопранистка Тамара Калинкина, која ќе настапи со баритонот Борис Трајанов и тенорот Дарко Нешовски, како и балетските солисти: Мими Поп Алексова-Атанасовска, Марија Кичевска Шокаровска, Ивана Коцевска, Бобан Квачевски, Дојчин Дочев од Бугарија, Игор Веланоски, Дафина Данилоска-Кочевска, Маја Митровска-Богојевска, Марина Анастасовска и Билјана Басмаџиева. хс/паг/08:05

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.