• A-
  • A
  • A+
петок, 21 септември 2018, 

Гала концерт по повод 70 години Македонска опера

Гала концерт по повод 70 години Македонска опера

Скопје, 26 април 2017 (МИА) - Македонската опера и балет по повод 70-годишнината од Македонската опера ќе одржи гала концерт на кој ќе учествуваат сите првенци, солисти и оркестарот и хорот на МОБ.

На концертот ќе бидат изведени арии, дуети, терцети, квартети, оркестарски и хорски нумери од светски автори. Диригенти ќе бидат Бисера Чадловска и Иван Еминовиќ, а режисер е Дејан Прошев.

Првата професионална оперска претстава изведена во Македонија е „Кавалерија рустикана“ на 9 мај 1947 година. Во подготовките и изведбата учествувале Тодор Скаловски како диригент и Бранко Поморишац како режисер. Хоровите ги подготвиле Петре Богданов - Кочко, Тодор Скаловски и Стефан Гајдов. бак/са/07:45

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.