• A-
  • A
  • A+
среда, 19 септември 2018, 

Почнува Патувачкото кино „МакеДокс“, годинава во струшко

Почнува Патувачкото кино „МакеДокс“, годинава во струшко

Струга, 12 јули 2018 (МИА) - Со проекција на документарни филмови во близина на манастирскиот комплекс „Мала Богородица“ во Калишта денеска почнува деветтото Патувачко кино на „МакеДокс“, кое годинава ќе се одржува до 25 јули во струшкиот регион.

Покрај Калишта, на мапата на Патувачкото кино се и селата Радолишта, Октиси, Мислодежда, Ташмаруништа, Радожда, Мали Влај, а последниот ден во Струга ќе се одржи Еко-докумаратон.

- Со патувачкото магаренце сме пропатувале многу, ни се отвориле многу врати, а веруваме дека и ние сме подотвориле доста. На нашето платно се прикажуваат приказни кои покриваат простор со размер сличен на растојанието од Беринговото море до Глобочица кај Дебар. Нашата тајфа носи поетика која често е посурова од таа на Миладиновци, а наместо ловоров венец имаме венци од кромид, подвижни слики и впечатоци, нагласува екипата на Патувачкото кино, која својата база ја смести во селото Радожда.

Во рамките на Патувачкото кино ќе се одржи и првата сесија од втората сезона на работилницата за креативен документарен филм „Докуникулци 2018“. Сесијата ќе се реализира од 21 до 28 јули во партнерство со „ДримОН Фестивал“ и со поддршка од НЕД (National Endowment for Democracy). Патувачкото кино на „МакеДокс“ е поддржано од Агенцијата за филм на Република Македонија.

Инспирирани од убавините на регионот низ кој ќе минува Патувачкото кино екипата на „МакеДокс“, помогната од новата генерација „докуникулци“, ќе реализира и еко-акција за чистење на крајбрежниот појас во некогашниот камп „Треска“ во близина на селото Радожда.сс/скс/08:47

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...