Пијанистот Арда Мустафаоглу освои второ место на натпревар во Турција

Пијанистот Арда Мустафаоглу освои второ место на натпревар во Турција

Скопје, 5 септември 2018 (МИА) - Младиот македонски пијанист Арда Мустафаоглу освои втора награда на двоетапниот интернационален пијано натпревар за млади таленти кој се одржа во рамки на 19. Интернационален пијано фестивал во Анталија (Турција).

На синоќешната церемонија на доделувањето на наградите, настапот на Арда беше поздравен со големи овации од бројната турската публика во „Аспендос“ халата на културниот центар во Анталија.

Арда Мустафоглу

Оваа награда следува по учеството на меѓународниот пијано мастер клас на професорот Херберт Кох од 19. до 27. август во Дирен (Германија), во рамките на кој, Арда настапуваше на три концерти во Дирен, Ахен и Бон.

Во следниот период Арда Мустафаоглу ќе се престави пред македонската публика со солистички рецитали во Велес, Штип, Струмица, Прилеп и Скопје, а кон крајот на септември ќе настапува и во Касел (Германија).сст/са/10:04

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ