• A-
  • A
  • A+
четврток, 20 септември 2018, 

Концерти на Камерниот оркестар на Филхармонија во Казахстан

Концерти на Камерниот оркестар на Филхармонија во Казахстан

Скопје, 10 септември 2018 (МИА) - Камерниот оркестар на Македонската филхармонија по повод 8 септември - Денот на независноста одржа два концерта во Алмати и Астана во Казахстан.

Концертите беа одржани пред преполни сали и поздравени со овации од страна на публиката. 

Под водство на маестро Борјан Цанев и со солистката Анна Кондратенко на виолина, Камерниот оркестар изнуди бурни аплаузи за изведбата на делата од Моцарт, Вивалди, Григ и Пјацола, а со овации беше проследена и изведбата на делото „Македонско капричо“ од Драган Шуплевски.

Македонскиот амбасадор Илија Псалтиров и директорот на Државниот филхармониски оркестар во Алмати изразија задоволство од настапот на македонскиот оркестар и ги истакнаа заложбите за понатамошно интензивирање на културните врски меѓу двете земји.

Концертот во Астана, пак, се одржа пред високи претставници и дипломати, а присутните ги поздрави заменик-министерот за надворешни работи на Казахстан.

Со овие настани беше промовиран и почесниот конзул на Македонија во Алмати, Султан Мукшаев.

Од Македонската филхармонија информираат дека и во иднина ќе ја продолжат соработката со Филхармонијата во Алмати, која следната година ќе гостува во Македонија. 

- Имав средба со директорот на Филхармонијата во Алмати, Далел Зеинешевич Ушаев, со кој се договоривме за заемна соработка и во иднина. Во наредниот период, во 2019 година, во салата на Македонската филхармонија ќе гостува нивен ансамбл, изјави директорот на Македонската филхармонија, Виктор Илиески, додавајќи дека двете филхармонии во Алмати и во Астана дале голема поддршка за гостувањето, како во однос на инструментите така и во однос на превозот, односно целата организација. бак/са/12:32

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...