Завршува Фестивалот на камерен театар „Ристо Шишков“

Завршува Фестивалот на камерен театар „Ристо Шишков“

Струмица, 12 септември 2018 (МИА) - Со објавувањето на името на наградениот актер за високо актерско остварување вечер во Струмица завршува 26.издание на Фестивалот на камерен театар „Ристо Шишков“.

Годинава во конкуренција за наградата „Ристо Шишков“ се педесетина актери од Македонија, Бугарија, Србија и Словенија од десет претстави. Наградата се состои од златен медалјон со ликот на патронот на фестивалот и парична награда во износ од 1.500 евра.

Денеска ќе се одржат и последните разговори на фестивалската тркалезна маса, а поети од Македонија и Бугарија во рамките на настанот „Поетски дијалози“ ќе читаат своја поезија.

Вечер на програмата е последната претстава во конкуренција „Доктор Фауст“ во изведба на актерите на битолскиот театар, а во режија на Андраш Урбан.

Веднаш потоа, фестивалското жири предводено од позната српска актерка и ланска лауретка на наградата, Тања Бошковиќ, ќе објави кој ќе ја добие наградата за високо актерско остварување.

Во рамките на Фестивалот се одржува и осмото издание на камерна драма НЕТА (Нова европска театарска акција).

Фестивалот е финансиски помогнат од Министерството за култура и општина Струмица. рт/сст/08:24

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Олег Сенцов стана почесен граѓанин на Париз

Украинскиот филмски режисер осуден на 20 години за...

Британски математичар тврди дека пронашол решение за проблем стар 160 години

Еден од најистакнатите британски математичари, Мај...

Познатиот професионален убиец на ТВ-екраните стана модна икона

Ѕвездата од новата ТВ-серија „Убиствената Ив“, ист...

Премиерката на Нов Зеланд и нејзиното бебе - хит во ОН

Премиерката на Нов Зеланд, Џасинда Ардерн, која ов...

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...