• A-
  • A
  • A+
недела, 22 јули 2018, 

На остров во Германија пронајдено богатство од десетиот век

На остров во Германија пронајдено богатство од десетиот век

Берлин, 16 април 2018 (МИА) - Археолози на германскиот остров Риген во Балтичкото Море пронашле закопани сребрени монети и накит кои датираат од десетиот век, односно од периодот поврзан со владеењето на данскиот крал Харалд Громсон.

Како што соопштија германските медиуми една монета прво пронашле двајца археолози аматери.

Монетата била пронајдена во јануари во селото Шпроде, а потоа се вклучила и државната археолошка канцеларија, чии стручњаци минатиот викенд успејаа да ги ископаат сите вредни артефакти.

Според археолозите околу сто сребрени монети потекнуваат од периодот на владеењето на Харалд Громсон, познат како Харалд Синозабиот, кој живеел во десетиот век и го вовел христијанството во Данска.

Неговото кралство се протегало на територијата на денешна Данска, јужна Шведска, делови од Норвешка и северна Германија. дб/гт/17:27

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ