• A-
  • A
  • A+
петок, 20 јули 2018, 

Блокчеин смартфонот на ХТЦ ќе биде објавен до крајот на годината

Блокчеин смартфонот на ХТЦ ќе биде објавен до крајот на годината

Тајпеј, 12 јули 2018 (МИА) - Пред извесно време ХТЦ објави дека работи на нов паметен телефон со Андроид, под назив „Exodus“, што ќе функционира на основа на актуелната блокчеин технологија и по се изгледа нема да има потреба да чекаме долго за неговото појавување на пазарот.
 
Компанијата соопшти дека развојот е во напредна фаза. Шефот на проектот, Фил Чен за „Верг“ изјави дека на крајот од третиот квартал ќе биде објавена и цената, а продажбите на телефонот всушност ќе започнат кон крајот на годината. Цената на уредот се очекува да биде приближна на онаа на првиот телефон со блокчеин технологија на „Сирин лабс“, којшто чинеше 1.000 долари.
 
Паметниот телефон ќе биде достапен на глобално ниво, освен во Кина, поради различните регулативи. Интернет страницата на проектот веќе функционира и може да се регистрирате за набавка. Во мај, Чен изјави дека компанијата има намера да создаде телефон кој ќе може да се сместат повеќе податоци, но според последните податоци, тој уред ќе се појави подоцна. Тоа што доаѓа на крајот на годината ќе понуди т.н. „ладен паричник“ за складирање биткоини и ќе ја поддржува играта „CryptoKitties“, кој работи врз основа на протоколот етереум.
 
Според првичните информации, „Exodus" е првиот телефон со блокчеин поддршка, дизајниран за да обезбеди што подобро искуство кај корисниците. Компанијата има намера да создаде блокирана мрежа во којашто секој телефон дејствува како јазол, за да ја олесни трговијата на криптовалутите помеѓу корисниците. Уредот ќе поддржува протоколи како биткоин, етереум, лајтнинг нетворкс, дефинити и други, а желбата на компанијата е да има поддршка за целиот блокчеин екосистем.
 
ХТЦ објави дека ќе соработува со „CryptoKitties“, најголемата игра базирана на блокчеин технологија. Во неа наместо криптовалути, корисниците креираат уникатни дигитални суштества кои можат да се размножуваат и да тргуваат со други играчи, со милијарди можности.
 
Апликацијата ќе дебитира за Андроид во смартфоните на ХТЦ и прво ќе се појави во У12 Плус, а потоа ќе стигне и до други модели на компанијата. Партнерството е дел од обидите на компаниите да создадат децентрализирана продавница за апликации. вз/си/09:09

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.