• A-
  • A
  • A+
четврток, 20 септември 2018, 

Египќанец уапсен оти појадувал со Саудијка

Египќанец уапсен оти појадувал со Саудијка

Ријад, 11 септември 2018 (МИА) - Египќанец кој живее во Саудиска Арабија објавил на Твитер снимка каде се гледа како на работа појадува со жена со бурка, по што бил уапсен. 

Министерството за труд и општествен развој на Саудиска Арабија го осомничи Египќанецот за повеќе прекршоци, меѓу кои и „седење на место наменето исклучиво за Саудијци", пренесува Би-би-си.

Снимката трае 30 секунди, и на неа двојката се шегува за заедничкиот оброк на којшто никој друг не е поканет. „Најконтроверзната“ сцена следи на крајот, кога жената му дава залче храна на Египќанецот. Поради тоа, многумина Саудијци коментираа дека не тој, туку таа треба да биде казнета. 

- Јас сум Саудијка и се колнам дека сакам да ја казнат и неа заедно со него. Смеа, оброк на работно место... Каде ви се границите?, напиша една изреволтирана коментаторка на Твитер по име Малак.

Сепак, имаше и поинакви коментари, за тоа дека сето тоа е нормално.

Во Саудиска Арабија жената не смее на работното место или во ресторан да седи во друштво со маж кој не е член на нејзиното семејство, а при повеќето активности таа мора да биде во придружба на „заштитник“, обично таткото, сопругот, брат или син.

Египетската твитерџика Соња пак, смета дека апсењето Египќанецот е резултат на „кревкото его" на саудиските мажи. си/цч/10:19

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ