• A-
  • A
  • A+
вторник, 22 мај 2018, 

Орбан: Иднината на ЕУ - Британците надвор, Балканот внатре, Средна Европа горе

Орбан: Иднината на ЕУ - Британците надвор, Балканот внатре, Средна Европа горе

Будимпешта, 9 февруари 2018 (МИА) - Балканот мора да биде интегриран во Европската унија, а тоа го прифати и самата ЕУ во својата Стартегија за Западен Балкан, изјави денеска унгарскиот премиер Виктор Орбан.

- Кога се формираше НАТО се појави израз, кој може да се сретне и во некои дипломатски записи, дека негова цел е „да се држат Американците внатре, Русите надвор, а Германците долу“. Ако го парафразиарам тоа, иднината на ЕУ би изгледала вака: Британците надвор, Балканот внатре, Средна Европа горе, изјави Орбан во обраќањето на почетокот на унгарско-српскиот Бизнис форум во Будимпешта, што се одржа во рамки на денешната заедничка седница на владите на Унгарија и Србија. 

Орбан нагласи дека и во ЕУ е прифатен ставот дека Балканот треба да се интегрира во блокот, за што Брисел одреди и термин - 2025 година. 

Виктор Орбан

 

- Не сме среќни со тој датум. Тоа е скромно и премногу далеку. Нам ни е потребен нешто поамбициозен термин, но и тоа што е одредена 2025 годината како термин е повеќе е што било досега, бидејќи до сега немавме слушнато датум, додаде Орбан. 

На собирот се обрати и српската премиерка Ана Брнабиќ, која истакна дека Србија не сака да стане членка на ЕУ како земја на која ќе и треба помош и поддршка, туку како држава која директно ќе може да придонесува за економската стабилност на Европа.

- Имаме Стратегија на ЕУ која првпат, не целосно, но на прилично јасен начин, дава перспектива за Западниот Блакан, пред се за Србија и Сврна Гора, за членство до 2025 година, нагласи Брнабиќ.

Инаку, во рамки на заедничката седница на владите на Унгарија и Србија во Будимпешта беа потпишани и неколку договори за билатерална соработка. сп/19:26

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Барак и Мишел Обама ќе бидат продуценти на „Нетфликс“

Поранешниот претседател на САД, Барак Обама, и нег...

На „Ибеј“ се продаваат подароци од кралската свадба

Десет торбички со подароци кои се делеле на венчав...

Вечниот ерген Хју Грант се жени на 57 години

Актерот Хју Грант, кого го сметаа за еден од вечни...

Џенет Џексон ја поздрави кампањата #MeToo

На говорот по повод добивањето на Наградата за муз...

Британија не му издава виза на Роман Абрамович

Сопственикот на англискиот фудбалски клуб Челзи, р...