• A-
  • A
  • A+
недела, 22 јули 2018, 

Тачи: Косово го губи моментот за постигнување договор со Србија

Тачи: Косово го губи моментот за постигнување договор со Србија

Приштина, 12 јули 2018 (МИА) - Косовскиот претседател Хашим Тачи изрази загриженост поради тоа што Косово ризикува да го изгуби, како што рече, „решителниот момент за постигнување договор со Србија“, јави дописникот на МИА од Приштина.

- Опасноста доаѓа од популистичките политики кои имаат единствено изборни цели, изјави Тачи пред новинарите во Урошевац.

Во врска со противењето на опозицијата на неговото водење на преговорите со Белград, косовскиот претседател рече дека никој не може да го води дијалогот сам, ниту да поставува вето или да го блокира напредувањето на процесот.

- Сите политички лидери треба да понесат одговорност во овој значаен процес и истовремено да ги поделат заслугите, рече Тачи, повикувајќи на политичко единство за завршната фаза на преговорите со Србија.

Косовскиот претседател, кој во Урошевац присуствуваше на отворањето на жетварската сезона, изрази надеж дека, до крајот на 2018, граѓаните на Косово ќе можат да патуваат во Европа без визи. иа/сп/11:47

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.