• A-
  • A
  • A+
сабота, 22 септември 2018, 

Мета: По примерот на Мајка Тереза,можеме да направиме мали работи со голема љубов

Мета: По примерот на Мајка Тереза,можеме да направиме мали работи со голема љубов

Тирана, 5 септември 2018 (МИА) – Албанскиот претседател претпладнево упати порака по повод двегодишнината од прогласувањето на Блажената Мајка Тереза за светица.

Во пораката,објавена на фејсбук,Мета  повикува да се отворат нови хоризонти, радост и надеж, разбирање и љубов за оние кои имаат најмногу потреба за тоа.

- Денот на Светата Мајка Тереза е празник за сите Албанци и католичкиот свет. Светата Мајка Тереза е извонреден пример за љубов без никаков услов и постојано проширување на мисијата за грижа за секој кој страда, без оглед на националноста, расата, религиската или социјална припадност. По нејзиниот пример, овој ден не повикува сите да отвориме нови хоризонти, радост и надеж, разбирање и љубов за оние кои имаат толку многу потреба за тоа, напиша Мета.

Цитирајќи  една од познатите изреки на Мајка Тереза, Мета вели дека со многу љубов можеме да направиме извонредни работи за секого кој има потреба од помош, солидарност и социјална сигурност.

- Не сите можеме да направиме големи дела,но секој од нас може да направи мали работи со голема љубов,-напиша Мета.

Мајка Тереза за Светица ја прогласи Поглаварот на Римокатоличката црква, Папата Франциско на церемонија што се одржа на плоштадот „Свети Петар“.

- По честите молитви за божествена помош  и по долго советување со многу од нашите браќа епископи, ја прогласуваме и дефинираме Блажената Тереза од Калкута да биде светец и ја запишуваме меѓу светите, барајќи таа да биде почитувана од страна на целата црква“ - изјави на канонизацијата папата Франциско.вт/зш/12:22

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ