Албанија: Демократите бараат проверка на имотот на политичарите

Албанија: Демократите бараат проверка на имотот на политичарите

Тирана, 7 септември 2018 (МИА) - Лидерот на албанската опозициска Демократската партија Љуљзим Баша на денешната средба со новинарите соопшти дека до Собранието  доставиле закон за проверка на потеклото на имотот и можна поврзаност со криминални групи на политичарите.

Баша вели дека овој таканаречен процес на „ветинг“ е единствен начин албанската политика да се исчисти од криминалот, но оти тоа не е доволно туку дека заедно со ветингот треба да има и активност на народот.

Посочи дека опозицијата е за прочистување на правосудството и политиката од криминалот.

-Законот кој штотуку го доставивме до Собранието има за цел да обезбеди министерот за внатрешни работи, министерот за правда и премиерот да немаат поврзаност со криминалот. ДП и Албанците потрошија многу енергија во изминатите пет години во борбата против криминалците кои во политиката ги донесе Еди Рама. Ни требаше време и енергија за откривање на криминалците на Рама и нашите докази се потврдија. Со Албанија владеат банди и организирани криминални босови. Не е доволно политиката да мине низ процесот на проверка, туку потребна е и силна акција на народот за земјата да се спади од криминалната власт, рече Баша.

На прашањето дали е подготвен да разговара со владеачкото мнозинство Баша одговори дека нивниот предлог - закон е идентичен со оној за правосудството и полицијата и оти тој треба само да се изгласа.

- За ваков закон еднаш веќе сме разговарале. Ова е закон идентичен со оној што веќе важи за правосудството и полицијата. Јазикот на законот е ист. Нема ништо за што би разговарале. Овој закон што го предлагаме ние или ќе се изгласа или ќе се отфрли. Ние ќе гласаме за, изјави Баша.

Демократскиот лидер вчера предложи ветинг и во редовите на политичарите, со цел, како што рече, да се стави крај на една политичка елита поврзана со криминалот, прашање за кое премиерот и лидер на владеачки социјалости Еди Рама начелно се согласи преку коментар на Твитер. вт/цч/16:26

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Почина уште еден актер од серијата „Синови на анархијата“, втор во три месеци

Глумецот Пол Џон Васкез, кој е познат по улогата в...

Вили на Босфорот се продаваат за цени и до 100 милиони долари

Шеесет луксузни вили на Босфорот, т.е. во Истанбул...

Со масло за јадење бркале зли духови од музеј

Суд во Атина осуди две бугарски државјанки на чети...

Меган Маркл во живанши-тоалета од 2.510 фунти

На традиционалната средба со припадници на маорска...

Ѕвездата од „Бубалици“ во уште една хумористична хит-серија

Еден од главните актери во комедијата „Бубалици“, ...