• A-
  • A
  • A+
четврток, 20 септември 2018, 

Албанската опозиција продолжува со бојкотот на Собранието

Албанската опозиција продолжува со бојкотот на Собранието

Тирана, 11 септември 2018 (МИА) - Албанската обединета опозиција, предводена од Демократската партија на Љуљзим Баша, продолжува со бојкотот на работата на Парламентот на Албанија.

Како што јави дописникот на МИА, в четврток, за кога е закажана третата седница на законодавниот дом по летните одмори, опозициските пратеници ќе „заседаваат“ во пристанишниот град Драч.

Наместо во собраниската сала во Тирана, опозициските пратеници на 3 септември беа во Скадар, додека на 6 септември „заседаваа“ во Елбасан.

Пред одржувањето на овие две седници лидерот на демократите Баша упати тешки обвинувања за „поврзаност на Владата со криминалот“, најавувајќи акција за „ослободување на власта од криминалот“.

- Ослободувањето на власта од криминалот останува апсолутен приоритет на опозицијата во новата парламентарна сесија, порача Баша.

Опозициските пратеници ја бојкотираат работата и на парламентарните комисии.

Деновиве опозицијата до Парламентот достави предлог-закон за проверка на потеклото на имотот на политичарите. Албанското собрание претходно го усвои Законот за испитување на потеклото на имотот и можна поврзаност со криминални групи, кој важи за судиите, обвинителите и полицијата.

Поради „неминување“ преку процесот на проверка, Албанија повеќе месеци е без Уставен и Врховен суд, а се соочува и со недостиг од обвинители и судии.

Формулар за потеклото на имотот не поднесоа најмалку 500 полициски работници, кои потоа самоволно ја напуштија службата. вт/сп/07:19

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...