• A-
  • A
  • A+
петок, 21 септември 2018, 

Русија ја заштити Северна Кореја, го одложи извештајот на ОН

Русија ја заштити Северна Кореја, го одложи извештајот на ОН

Њујорк, 31 август 2018 (МИА) - Русија го пролонгира извештајот на експертите на Обединети нации, кои тврдат дека Северна Кореја ги крши санкциите на Обединети нации со тоа што не ги укина своите нуклеарни и ракетни програми.

Во извештајот на ОН се тврди дека Пјонгјанг „масовно го зголемува незаконскиот транспорт на нафтени деривати од брод на брод“.

Амбасадорот на Русија во ОН, Василиј Небензја, по состанокот на Советот за безбедност на ОН за извештајот, истакна дека ја блокирал неговата објава „бидејќи Русија не се согласува со одредени елементи од извештајот“.

Тој додаде дека Русија побара истрага за редвното „протекување“ на извештаите за Северна Кореја во медиумите.

Британската амбасадорка во ОН, Карен Пирс, која во моментот претседава со СБ на ОН, најави дека денеска ќе бидат одржани неформални консултации за руските приговори. ми/09:28

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.