• A-
  • A
  • A+
сабота, 22 септември 2018, 

Германија: Девет повредени е билансот на про и анти мигрантските протести во Чемниц

Германија: Девет повредени е билансот на про и анти мигрантските протести во Чемниц

Чемниц, 2 септември 2018 (МИА) - Најмалку девет лица биле повредени, а неколку стотици притворени по вчерашните масовни протести на германски националисти и про-имигрантски групи во градот Чемниц на истокот на земјата.

Околу 4.500 националисти и 3.500 социјалисти учествуваа на собирите, на кои имаше и големо полициско присуство, во обид да се спречи директен судир меѓу двете групи. Протестите во Чемниц почнаа минатата сабота, кога двајца мигранти, од Ирак и од Сирија, го заклаа 35 годишниот Даниел Хилиг. Неговото убиство предизвика масовни протести и напади на германски националисти врз мигранти во градот, што пак доведе до контра-протестите на про-имигрантските групи.

За време на вчерашниот протест, на протестот организиран од партиите АфД и ПЕГИДА биле носени фотографии на Германци убиени од страна на мигранти. На чело на другата страна, пак, биле мигранти повредени во војните на Блискиот Исток или нападнати од страна на германски националисти. Припадници од двете групи имаа повремени судири со полицијата, особено при обидот на социјалистичките демонстранти да ја блокираат улицата по која националистите најавиле дека планираат да поминат. цч/09:17

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.