Санчез вети референдум за поголема автономија на Каталонија

Санчез вети референдум за поголема автономија на Каталонија

Брисел, 3 септември 2018 (МИА) - Шпанскиот премиер Педро Санчез им вети на Каталонците одржување на референдум за новиот статус на покраината, која би имала повеќе анатомија, при тоа потенцирајќи дека тоа ќе биде референдум за поголема автономија, а не за независност.

Санчез, кој дојде на власт на 1 јуни годинава покрена дијалог со сепаратистички настроениот каталонски претседател Квим Торо.

- Дијалогот помеѓу Мадрид и Барселона треба да доведе до гласање за зајакнување на автономијата на Каталонија. Се работи за референдум за автономија, не за самоопределување, посочи Санчез.

Сепаратистите бараат референдум за самоопределување, но шпанскиот премиер ја отфрла таквата можност.

Каталонците во 2006 година, за време на социјалистичката влада на Хосе Луис Родригес Сепатера, со 73 отсто гласови поддржаа поширока автономија за Каталонија и статус на нација, но во 2010 година тоа делумно е укинато од Уставниот суд на Шпанија, што доведе до интензивирање на сепаратизмот.

- Каталонија во моментот има статус за кој не гласаше и тоа е политички проблем, посочи Санчез.

Приврзаниците на независноста на Каталонија на 1 октомври минатата година организираа референдум и покрај забраната на тогашната шпанска влада предводена од Маријано Рахој. На 27 октомври каталонскиот Парламент прогласи независност, но регионот веднаш беше ставен под директна управа на Мадрид, а каталонските лидери беа сменети од власт.

Поранешниот каталонски претседател Карлес Пуџдемон е во егзил во Белгија за да го избегне судскиот процес покренат во Шпанија под обвинение за бунт. ми/19:25

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...