• A-
  • A
  • A+
вторник, 18 септември 2018, 

Тора покрена нова кампања за отцепување на Каталонија

Тора покрена нова кампања за отцепување на Каталонија

Барселона, 5 септември 2018 (МИА) - Каталонскиот лидер Ким Тора покрена повторно кампања за отцепување на Каталонија од Шпанија, истовремено отфрлајќи ја понудата на шпанската влада за референдум за поголема автономија.

Тора синоќа рече дека мандатот, кој им го дале граѓаните на 1 октомври, е уште на сила и оти настојува да го исполни. 

Тој во театар во Барселона одржа говор под наслов „Наш момент“.

Тора сега бара нов референдум, што би го признала Шпанија.

-Тоа е единствен начин да се обнови мандатот што го добивме, рече тој, по речиси пет месеци откако е избран за функцијата претседател на влада.

Неговиот претходник Карлес Пуџдемон, во октомври 2017 година организираше референдум за независност. Мнозинството гласаше за отцепување, но противниците на независноста не гласаа, бидејќи владата на Шпанија и Уставниот суд го забранија референдумот.ир/зш/07:56

###




Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.