• A-
  • A
  • A+
сабота, 22 септември 2018, 

Премиерот на Абхазија загина во сообраќајна несреќа

Премиерот на Абхазија загина во сообраќајна несреќа

Сукуми, 9 септември 2018 (МИА) - Премиерот на грузиската сепаратистичка област Абхазија, Генадиј Гагулија доцна синоќа загина во сообраќајна несреќа додека се враќал од аеродром по посетата на Сирија, изјави секретарката на регионалната влада Дијана Зантарија.

Во автомобилот, во кој се наоѓал премиерот, удрило возило од спротивен правец, управувано од млад жител на Абхазија. При анализата не било откриено присуство на алкохол кај младиот возач, но затоа бил позитивен на наркотици. Обвинителството веднаш поднело кривична пријава против него.

Во несреќата биле повредени возачот на Гагулија и еден телохранител, но брзо биле пуштени од болница. Во колоната која патувала со Гагулија се наоѓал и претседателот на Абхазија, Раул Хаџимба, но тој не е повреден.

Абхазија се наоѓа на брегот на Црно Море, во северозападниот дел на Грузија. гт/11:18

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ