• A-
  • A
  • A+
четврток, 20 септември 2018, 

Европарламентот ќе гласа за измените на законот за авторски права

Европарламентот ќе гласа за измените на законот за авторски права

Стразбур, 12 септември 2018 (МИА) - Пратениците во Европскиот парламент, по двегодишни дебати, денеска ќе гласаат за закон што може да го промени односот на силите меѓу производителите на вести, филмови и музика и доминантните интернет платформи, кои нивни содржини ги ставаат на своите веб сајтови, а за тоа не плаќаат никаков надомест.

Иницијативата е покрената во 2016 година со цел да се ажурира законот за авторски права.

Иницијативата за промени во законот за авторски права е потпишана од директори на 18 европски новински агенции со барање Фејсбук и Гугл да се обврзат дел од приходите што ги остваруваат да им ги платат на новинските агенции чии содржини сега бесплатно ги користат.

Со приближувањето на датумот за гласање, како што наведува „Гардијан“, европратениците се „бомбардирани“ со милиони мејлови и телефонски повици. Некои од нив, како француската европратеничка Врижини Розиер, дури добиле и закани со смрт.

Шефовите на новинските агенции од Европа во иницијативата наведоа дека цел на иницијативата е да се запре „кражбата на содржини од информативни медиуми и на нивните приходи од огласувачи, зад која стојат интернет гиганти, претставувајќи закана и за потрошувачите и за деморкатијата“. Таквата состојба според нив, ги уништува независните медиуми. 

Фејсбук и Гугл користат огромно количество вести и прилози од печатени медиуми и агенции и со тие содржини привлекуваат се поголем број огласувачи. Според предложените измени, тие во иднина ќе мора да одвојат еден дел од приходите за авторите на содржините.

Критичарите на иницијативата тврдат дека измените во законот ќе го уништат интернетот. Имајќи предвид дека амандманите се составуваат и преправаат до последен момент, крајниот исход од гласањето е неизвесен. зш/сп/07:48

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...