Скопје, 27 декември 2017 (МИА) - Министерството за труд и социјална политика заедно со повеќе општествено одговорни компании обезбедија новогодишни пакетчиња за децата згрижени во институциите и дневни центри под надлежност на ова Министерство. Денеска беа врачени пакетчиња на деца од неколку институции во Скопје, а децата ја проследија и претставата „Зимска бајка“ во Театарот за деца и младинци, каде ги поздрави и министерката за труд и социјална политика Мила Царовска.

- Животот на овие дечиња кои ќе ја гледаат претставата е далеку од бајка. Но ние се трудиме со секој чекор да го подобриме нивното живеење и тие да следат и претстави и да добиваат посоодветни услуги од страна на институциите во кои живеат и конечно да добијат потопла и посемејна атмосфера во функционирањето и заштитата на овие деца, изјави министерката.

Потенцирајќи дека сите предновогодишни активности што ги спроведуваат се во соработка со општествено одговорни компании, а годинава пример се Зегин и Дајнерс, рече дека компаниите се заинтересирани да вложат во најранливите групи граѓани.скс/сд/11:31

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.