• A-
  • A
  • A+
среда, 26 септември 2018, 

Над 10.000 војници на парадата по повод 70-годишнината од постоењето на Северна Кореја

Над 10.000 војници на парадата по повод 70-годишнината од постоењето на Северна Кореја

Пјонгјанг, 9 септември 2018 (МИА) - Воена парада по повод 70-годишнината од постоењето на Северна Кореја се одржа во главниот град Пјонгјанг.

Агенцијата Јонхап оценува дека на парадата учествувале 10.000 војници на Корејската народна армија. Биле прикажани артилериски системи, тенкови и друга борбена техника, но не и меѓуконтинентални балистички ракети, ниту балистички ракети со мал и среден дострел. Низ главниот град не биле забележани плакати, кои го потенцираат значењето на нуклеарниот и ракетен развој за Северна Кореја. 

Според експертите, тоа претставува начин да не се разгорува атмосферата во момент кога се прават обиди за дијалог со САД. Демонстрацијата на меѓуконтинентални балистички ракети на 8 февруари годинава, на парада по повод 70-годишнината од формирањето на севернокорејската армија, предизвика негативна реакција кај Јапонија и западните земји.

Освен тоа, севернокорејскиот лидер Ким Џонг-ун не одржа говор. Наместо него тоа го направи претседателот на Парламентот, Ким Јон-нам, кој се осврна на економските цели на власта, а не на нејзината нуклеарна сила. Тоа покажува дека новата стратегија на Ким Џонг-ун е да се стави акцент врз развој на економијата.

На парадата учествуваа претседателката на Горниот дом на рускиот Парламент, Валентина Матвиенко и претседателот на кинескиот Парламент, Ли Чаншу, кој е специјален претставник на шефот на кинеската држава Си Џинпинг. гт/09:10

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Кина ќе ги проучува поларните области на Месечината

Кина има намера до 2030 да испрати апарат кој ќе г...

Казна за непристојните во градскиот превоз

Многумина, поготово момчињата имаат навика во авто...

Мел Гибсон снима преработка на „Дивата орда“

Познатиот глумец и режисер Мел Гибсон ја подготвув...

Почина уште еден актер од серијата „Синови на анархијата“, втор во три месеци

Глумецот Пол Џон Васкез, кој е познат по улогата в...

Вили на Босфорот се продаваат за цени и до 100 милиони долари

Шеесет луксузни вили на Босфорот, т.е. во Истанбул...