Талибанците подготвени за мировни разговори со САД

Талибанците подготвени за мировни разговори со САД

Кабул, 11 септември 2018 (МИА) - Талибанското исламистичко движење во Авганистан најави дека ќе испрати делегација во САД на разговори за прекин на огнот и размена на заробеници.

САД војуваат со талибанците од 2001 година, по терористичките напади во Њујорк и Вашингтон. Коалицијата предводена од САД го освои Авганистан набргу по нападите и ги порази талибанците, кои сепак продолжија со герилска војна и се уште контролираат големи делови од земјата.

Според најавите, талибанците би испратиле делегација од три до четири претставници во САД, чија задача ќе биде да видат дали Американците имаат искрени намери да се стави крај на долгогодишната војна.

Талибанците одбиваат да водат преговори со авганистанската Влада и инсистираат на контакти директно со САД. цч/сп/10:45

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.