• A-
  • A
  • A+
четврток, 20 септември 2018, 

МОН и Европската конфедерација на синдикати во образованието ги поставија темелите на идната соработка во насока на подобрување на образовниот процес

МОН и Европската конфедерација на синдикати во образованието ги поставија темелите на идната соработка во насока на подобрување на образовниот процес

 

6 март 2018

Почитувани,

 

Министерката за образование и наука Рената Дескоска доби писмо од г-ѓата Сузан Флокен, директор на Европската конфедерација на синдикати во образованието во врска со минатонеделната средба.

 

Во писмото г-ѓата Флокен укажува на нејзините позитивни впечатоци од разговорот со министерката, и надеж дека се поставени основи за идна плодна соработка и дијалог.

 

Министерството за образование и наука ќе остане доследно на политиката на отворени врати, а соработката со Европската конфедерација на синдикати во образованието, но и со домашните синдикати и засегнати страни ќе продолжи и натаму во насока на подигнување на нивото на социјалниот дијалог и подобрување на образовниот процес.

 

Исто така г-ѓата Флокен се дистанцираше од начинот на кој СОНК информираше за средбата и содржината на нивните изјави и укажа дека Европската конфедерација на синдикати во образованието не презема одговорност за информациите кои беа презентирани од страна на СОНК.

 

Министерката за образование и наука на Република Македонија Рената Дескоска изрази подготвеност за понатамошна соработка за воспоставување на европски стандарди во македонското обарзование, и се заблагодари на г-ѓата Флокен за нејзината реакција на погрешното информирање за нивната средба, која помина во исклучително позитивна атмосфера.

 

Со почит,

 

Одделение за односи со јавност, Министерство а образование

____________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.