Министерската Апостолска во работна посета на Крива Паланка

Скопје, 8 јуни 2018 

Министерката без ресор задолжена за странски инвестиции, Зорица Апостолска, вчера (07.06.2018) оствари работна посета на општина Крива Паланка, каде имаше средби со градоначалникот Борјанчо Мицевски и претставници на локалната бизнис заедница.

На средбата со градоначалникот Мицевски стана збор за можностите за зајакнување на релациите помеѓу домашните и странските компании, како и за капацитетите со кои располага локалната бизнис заедница за воспоставување на деловни релации со странски инвеститори. Од страна на градоначалникот беа претставени плановите за економски развој на општината, како и проекти од областа на инфраструктурата и енергетиката, а кои се во функција на зајакнување на бизнис климата во општината.

Министерката Апостолска го информираше градоначланикот за можностите за финансиска поддршка кои произлегуваат од Планот за економски раст и кои стојат на располагање за компаниите од Крива Паланка.

Во рамки на посетата, заедно со преставник на Фондот за иновации и технолошки развој, пред кривопаланечките стопанственици се презентираа мерките за поддршка на инвестициите од трите столба на Планот за економски раст.

„Политиките на Владата за економски раст не прават разлика помеѓу домашните и странски компании, процесот на пристап до финансиската поддршка е транспрарентен и отворен, а целта е со активна поддршка на инвестицииите да се оствари повисок економски раст, повисоки плати и повеќе пари за подобар живот за граѓаните“, рече министерката Апостолска пред бизнисмените од Крива Паланка.

Осврнувајќи се на мерките од Планот за екномски раст, министерката Апостолска потенцираше дека една од целите на целокупниот концепт за стимулирање на инвестициите е домашните компании да се стимулираат да усвојуваат нови технологии во своите производствени процеси и да градат капацитети за развивање на деловни односи со странски компании, како и да почнат да размислуваат за усвојување на нови пазари надвор од Македонија.

Во рамки на работната посета на општината, министерката Апостолска заедно со градоначалникот Мицевски ја посетија и компанијата „Дема стил“, кој произведува играчки наменети за европскиот пазар.

Влада на Република Македонија

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...