Царовска од Белград: Земјата напредува онолку колку што се подобрува квалитетот на животот на сите граѓани

Скопје, 8 јуни 2018  

Министерката за труд и социјална политика Мила Царовска учествуваше на регионална конференција „Иднината на државите на благостојба на Западен Балкан“ во организација на Центарот за социјална политика од Белград.

Во нејзиното обраќање истакна дека основна заложба на оваа Влада е да овозможи подобри услови за живот за сите граѓани. „Мора да ги намалиме разликите, мора да се избориме со сиромаштијата и мора да ги подобриме јавните услуги. Само со обезбедување на добри услови за живот, достоинствен приход и квалитетни услуги, може да се надеваме на одржлив развој.“ – изјави Царовска.

Владата на Република Македонија и Министерството за труд и социјална политика веќе започнаа низа реформи и мерки во оваа насока. Покачување на минималната плата, минималниот загарантиран приход и новиот закон за социјална заштита, се само дел од досегашните напори за подигнување на квалитетот на животот за сите граѓани.

На конференцијата присуствуваа повеќе 200 учесници од Западен Балкан и ЕУ, кои дискутираа за подобрување на благостојбата и правото на достоинствен живот на сите.

Министерство за труд и социјална политика

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

 

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ