• A-
  • A
  • A+
петок, 21 септември 2018, 

Шапуриќ ги охрабри струмичките бизнисмени да инвестираат и да ги користат мерките за економски раст

Скопје, 21 јуни 2018

Вчера попладне Министерот за регулатива за подобрување инвестициска клима за домашни претпријатија пред струмичките бизнисмени ги представи можностите кои им ги нуди Законот за финансиска поддршка на инвестициите и ги повика да инвестираат во сопствените капацитети и да аплицираат, односно поднесат барање за остварување на правото на финансиски надоместок за извршените инвестиции. Во своето излагање детално го образложи пакетот на владините мерки за поддршка на инвестици, на развој на нови технологии, воведување на нови производи и за нови вработувања. Шапуриќ ја истакна цврстата определба на Владата за перманентна и отворена комуникација со бизнис секторот за создавање на подобра бизнис клима во државата. Отварање на евроатланските перспективи се нова додатна гаранција за унапредување на условите за водење на бизнис и за подобра перспектива на младите.

Струмичките бизнисмени ги поддржаа мерките на Владата за економски раст, но истовремено во отворен дијалог ја истакнаа потербата во иднина за проширивање на сетот на мерките во насока на можноста за финасиска поддршка и на компаниите кои во изминатиот период поради неповолна бизнис клима немаа можност за економски раст, како и поголема поддршка на инвестиции во машини и опрема и за ИКТ бизис сектор, кој е еден од главните столбови за економски прогрес. Исто така, тие ги изнесоа потешкотиите со кои се соочуваат во нивното работење, особено во поглед на наплатата на своите побарувања и измена на регулатива која ќе гарантира поголема финасиска дисциплина.

На трибината под наслов ,,Креирање на екосистем и промоција на претприемништвото за економски развој на општината Струмица,, присутвуваше и градоначалникот на општина Струмица Коста Јаневски, претставници на Фонд за иновации и техлошоки рзвој и унивезитетски професори, како и претставници на невладиниот сектор од струмичкиот регион.

Кабинет на министер задолжен за регулатива за подобрување инвестициска клима за домашни претпријатија проф. д-р Зоран Шапуриќ

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ