Царината заплени девизи, облека, техничка стока и фалсификати

Скопје, 3 септември 2018

Во текот на минатите две недели, царинските службеници спречија неколку обиди за криумчарење разна стока, при што привремено се задржани девизи, облека, боја за ќунци, пластични штипки, контролери и грејачи за соларни бојлери и фалсификати.
Задржана е следната стока:

Хероин

Мобилните царински тимови во соработка со Министерството за внатрешни работи, и по наредба од Основниот Суд во Прилеп, извршиле претрес во дом на македонски државјанин од Прилеп, со помош на царинско куче, при што покрај оградата на дворот, под пласт густа трева и трња, била пронајдена алуминиумска опаковка со бела прашкаста материја. По извршеното тестирање во полициската станица во Прилеп било утврдено дека се работи за наркотичка дрога хероин со маса од 50 грама. Случајот е предаден на Министерството за внатрешни работи за понатамошна постапка.

Девизи

- 5.000 евра, откриени на Интернационалниот Аеродром Скопје, при контрола на српски државјанин кој допатувал со лет од Цирих. Во рачна ташна на патникот биле пронајдени 15.000 евра, од кои согласно законските прописи му биле вратени 10.000 евра, износ што може слободно да се внесе во државата. За сторениот девизен прекршок против патникот ќе биде поведена прекршочна постапка.

Облека и други производи

- 8.292 парчиња разна стока (чорапи, тренерки, блузи, пластични штипки, боја за ќунци и безжични преносливи приемници), откриени во соработка со припадници на Министерството за внатрешни работи, при контрола на бугарски автомобил, управуван од македонски државјанин, пријавени за влез во државата на граничниот премин Ново Село. Непријавените производи, пронајдени во багажникот, на задното седиште и под предните седишта на возилото, се привремено задржани, а против возачот ќе биде поведена соодветна постапка.

- 188 парчиња облека (палта, блузи, панталони, фармерки, јакни и фустани) откриени во два одвоени случаи, при контрола на два македонски автомобили, управувани од македонски државјани, пријавени за влез во државата на граничниот премин Богородица..

Во првиот случај, во неколку торби и кеси сместени во багажникот, на задното седиште и под предните седишта на возилото, биле пронајдени 126 парчиња детска облека (фармерки, јакни, фустани и комплети јакни со фармерки),   сопственост на македонска државјанка која патувала со автомобилот.

Во вториот случај, во две патнички торби и неколку ќеси  сместени помеѓу седиштата на возилото, биле пронајдени 62 парчиња женска облека (палта, блузи, панталони и фармерки). Во двата случаи непријавените производи се привремено задржани, а против прекршителите ќе бидат поведени соодветни постапки.

Стока за која постои сомневање дека повредува права од интелектуална сопственост

- 93 контролери за соларни бојлери со ознаки на заштитена трговска марка, откриени од страна на мобилните царински тимови во соработка со инспектори од Одделението за истраги, при контрола на стока со потекло од Кина, наменета за увозник од Куманово, увозно оцаринета во царинската испостава Куманово. Поради сомневање дека производите повредуваат права од интелектуална сопственост, истите се привремено задржани, и согласно законските прописи ќе биде поведена постапка за утврдување на нивната оригиналност.

Покрај тоа, биле откриени и вишок 40 грејачи и 7 контролери за соларни бојлери кои не биле опфатени со царинските документи. Непријавените производи се привремено задржани, а против увозникот ќе биде поднесено барање за поведување прекршочна постапка.

Царинска управа на Република Македонија

____________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...