• A-
  • A
  • A+
понеделник, 28 мај 2018, 

Американскиот сенатор, обвинет за сексуално злоставување, најави оставка

Американскиот сенатор, обвинет за сексуално злоставување, најави оставка

Вашингтон, 7 декември 2017 (МИА) - Демократскиот сенатор Ал Франкен најави дека ќе поднесе оставка, откако повеќе жени го обвинија за сексуално вознемирување.

Франкен, поранешен актер и комичар, уживаше голема поддршка меѓу демократите, а во американските медиуми се спомнуваше и како можен кандидат на претседателските избори во 2020 година. Неговата репутација беше нарушена откако повеќе жени го обвинија за сексуално вознемирување и тоа од несоодветно допирање до насилни обиди да ги бакне.

Франкен денеска соопшти дека ќе поднесе оставка, но дека нема да престане да зборува за прашањата кои ги смета за важни.

- Знам дека не направив ништо со што би ја посрамотиол оваа институција...меѓутоа денеска објавувам дека во следните недели ќе го напуштам Сенатот, истакна 66-годишниот Франкен. ссм/зш/19:49

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.