Москва, 13 јануари 2018 (МИА) - Евентуалното излегување на САД од нуклеарниот договор со Иран ќе нанесе штета врз режимот на неширење на нуклеарното оружје, посочи денеска рускиот заменик-министер за надворешни работи Сергеј Рјабков.

Трамп синоќа изјави дека ќе го продолжи замрзнувањето на санкциите против Иран за последен пат, за да им даде можност на Вашингтон и неговите европски  сојузници да ги поправат „ужасните дефекти" на иранскиот нуклеарен договор од 2015 година преку дополнителен договор.

- Перспективите за излегувањето на САД од договорот за Иран ќе нанесат многу сериозен удар врз системот за меѓународно преговарање и зајакнување на режимот за неширење на нуклеарно оружје, изјави Рјабков. ссм/12:56

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.